十大中文金曲︱JW掌心當貓紙　被網民寸唔專業

《第45屆十大中文金曲音樂盛典》昨晚（23日）舉行，早前宣布甩拖的JW（王灝兒），奪得「優秀流行歌手大獎」，而她在台上就演繹了《13歲的天堂》，不過有網民留意到，她唱歌時頻頻望手掌，相信是將歌詞寫了在手掌當「貓紙」用，質疑她表演不專業。

有網民覺得，雖然平時睇騷會有提詞機，今次場館未必有，所以要出動「掌心雷」，但這首歌已是8個月前的作品，並非新歌，批評她對自己歌都如此不熟悉，實在有點過分。另外有人就表示，JW有走音情況，是否未從情傷中恢復過來，影響表現。網民留言：「正式舞台上歌唱表演睇歌詞係會令表演降格。如果冇準備好係可以缺席」、「呢個真心有啲癲😂」、「嘩😳JW以前都好地地，但呢個完全係極唔專業嘅表演，莫非失戀令佢無心事業？」