林寶玉幫「辣媽」康沂接Job：佢主動聯絡我

藝人林寶玉今日（24日）出席形象指導公司開幕式，笑言今次專程來取經：「因為我成立咗間經理人公司，有好多素人主動嚟接觸我，想我幫佢哋，大家可能以Agent形式合作。」

亞洲小姐出身的她，自爆與「師姐」康沂已經達成共識合作：「本身我哋唔認識嘅，佢喺社交平台主動聯絡我，覺得好有誠意。（佢結咗婚喎。）我同佢傾過，會以辣媽形象接Job，睇吓大家會擦出幾多火花。」又透露下月會安排藝人到菲律賓出席時裝活動，談到幕前工作，她謂：「我都會做嘅，但因為有其他工作，時間上唔係好夠用，所以會揀（擇）啲囉。」