珍妮花隻身出席《巴黎時裝周》　盛傳婚變老公賓艾佛力與狗仔隊「開火」

荷里活女星珍妮花露柏絲（Jennifer Lopez）近期不斷盛傳與影星老公賓艾佛力（Ben Affleck）婚姻出現危機，而近日身在歐洲度假的珍妮花昨日就獨自現身《巴黎時裝周》睇騷，留在美國的賓佬就因不滿連日來被狗仔隊狂跟而與狗仔隊發生衝突！

珍妮花收起性感穿上啡色露臂長裙現身，由於戴上黑手套的關係未知她有否戴婚戒。除了珍妮花之外，同場還有多位女星其中包括美國天后Doja Cat、韓國女團BLACK PINK成員Jisoo、韓國花式滑冰選手金妍兒、日本女星中谷美紀、綾瀨遙以及中國女歌手劉雨昕等。而珍妮花抵達巴黎前，她被乘客影到坐民航機由意大利拿坡里飛抵當地。

至於珍妮花老公賓艾佛力就身在洛杉磯與子女在愛巢聚天倫，不過周日晚上（23日），他就被影到離開屋外取車時與在場狗仔隊發生衝突。據知當時他正駕着車駛離住所，但因大批狗仔隊不停用閃光燈拍照，於是他停車並離開車廂與狗仔隊交談，他說：「你咁樣會令我發生意外，當有人揸車駛離車道時唔好用閃光燈。唔好咁做，咁會好危險。你明唔明？我根本睇唔到！你做咩呢啲Ｘ嘢會令有人受傷。」當他準備返回車之時，他再次叮囑狗仔隊：「我個女等陣會落嚟呢度。如果你閃親佢，你會令佢帶嚟危險。你明白嘛？」