陳善渝勇敢考獲賽車牌　即換賽車服Ready落場

藝人陳善渝（Odilia）2022年考獲駕駛執照，她當時在社交網跟粉絲分享一Take Pass喜悅，更留言：「又一女車手誕生啦！」但估不到2年後的今天，她會成為一位真正車手！Odilia於社交網晒相，寫道：「自考牌後，揸過幾次車，拍過吓撞車戲，人生無諗過會去考賽車牌。」她感謝她的香港賽車手好友的鼓勵及教導，令她鼓起勇氣踏上車手之路，又笑言自己是令對方嚇到心跳的學生，她續説：「考前落到Track，真係差天共地，真係淆咗底，驚會肥佬….喺幾節Practice嘅中間時間，就被大家嘅熱血洗禮，烈日當空下來回卡車場練車考前不斷同自己講：平常心，一定會做到！」穿起一身賽車服的她，有姿勢有實際，粉絲們也紛紛畀心戥她高興。