周杰倫久違7年終於返台灣開騷　開口迫大巨蛋覆

台灣天王周杰倫成日周圍飛，上次喺台灣開騷已經係2017年，長期喺外地開巡迴個唱嘅佢，等到一眾台迷好辛苦，就連想見佢一面都好難。尋日（25日）佢難得現身台灣出席品牌活動，唔少粉絲一路等到落雨都唔願離開，終於等到偶像正式宣布計劃喺台灣開演唱會，更有機會就喺8月登場，依家只係等大巨蛋回覆。

周杰倫帥氣出現同大家打招呼：「各位媒體朋友好久不見，各位台北的朋友你們好嗎？」就已經引得現場粉絲幾度尖叫，周杰倫就坦言已有新計劃：「2024年的計劃，我知道很多人都在等待演唱會，我自己也在等，我希望場地趕快回覆消息。我的8月已經空下來了，但我不知道大巨蛋的回覆是甚麼？」周杰倫過去台灣騷幾乎場場秒殺，歌迷今次聽到佢嘅開騷宣言，粉絲又要開始準備搶飛喇。