王祖藍一條麻甩帶4條Queen回鄉食玩瞓

藝人王祖藍、彭慧中、林秀怡和關楓馨今日（26日）為無綫節目《一條麻甩在東莞》宣傳時被獲頒「美食大使」。祖籍東莞的祖藍表示剛帶「4條女」回鄉又玩又食兼購物：「帶咗老婆，兩個女同阿媽，又去睇扒龍舟，囡囡鍾意食魚，佢好鍾意嗰個黃皮頭，仲去埋超市，不過自己揸車，唔係託運，即日來回好方便。」

他又說因節目大受歡迎，已接到其他商會的邀請拍節目，問到可考慮帶團？他亦指下半年內地，甚至外國亦聯絡他開拍節目，不過就未必適合返太太李亞男的出生地拍攝，他說：「因為加拿大出名食中餐，但介紹最好嘅中餐就唔係加拿大。」他最想公司增加經費，可以帶同幾位女藝人同行拍攝，不用再是他「一條麻甩」。

而在旁的彭慧中舉手贊成，自爆：「我啲騷錢好平。」她又謂之前在深圳拍攝飲食節目，稍後會再去多轉，問到頻拍飲食節目可有增磅，她謂：「我冇上磅，但應該仲係一百零幾磅，拍之前咪唔好食咁多囉，咁就唔會肥。」祖藍即指她愈食愈瘦，但自己就肥出一個大肚腩，有謂他是幸福肥，他即沾沾自喜謂：「唔好意思。」