周吉佩女兒步入青春期　最鍾意「妙音龍子」冼靖峰

《中年好聲音》冠軍周吉佩（吉吉）今日（26日）到學校和小學生互動，帶領他們認識廣播劇。育有一對子女的吉吉稱自己和孩子玩樂有一手，在家中自己多扮演好人角色，所以當孩子被太太訓斥時，都會向自己求救。

不過吉吉就指不能容忍子女沒有禮貌：「成績嗰啲我冇乜所謂，但冇禮貌我喺最唔鍾意，就好似阿女咁，佢開始進入第一個青春期階段，有心事仲識得反駁，喺呢個時候就需要坐低同佢傾偈。」又大爆阿女心儀冼靖峰：「阿女自從睇完個節目就話冼靖峰好靚仔，仲叫我同冼靖峰食飯嘅時候開FaceTime畀佢睇。」又言不會為孩子喜歡其他男生而呷醋，認為孩子現階段應該專心學業，至於和男孩子談戀愛就順其自然。吉吉又指在孩子還小已經開始性教育，目的是想阿女懂得保護自己。

吉吉又分享新歌MV中有一幕他和女演員親吻的戲，囝囝見到後即刻打電話同太太「報串」，仲對吉吉說「你好核突」，笑指家中有兩個閉路電視所以平時和女藝人都會保持距離，又表示當要和女演員拍親密戲時，都會先得到家中太太同意。