波波化身成熟OL　黃紫恩驚講錯嘢壓力大到失眠

無綫藝人黃婧靈（波波）與黃紫恩（JoJo）日前出席道教晚宴活動，波波及JoJo更為活動擔任主持，二人這天齊齊一改性感形象，以成熟OL造型現身。JoJo自爆自己是道教的一份子故今次擔任活動主持，更笑言怕說錯話弄致整晚失眠：「呢日有好多名人出席，怕講錯人名同職銜，又要字正腔圓用普通話翻譯，真係好大壓力。其實外遊都試過靈異事件，不過依家都唔驚喇，因為怕窮多過怕鬼，『窮鬼』先得人驚！」

波波就話自己向來細膽：「因為依家有古靈精怪事，我都會搵我師傅幫手，何況依家信咗道教好正氣，自己就係最大嘅辟邪法器，咩古怪嘢都埋唔到我身，JoJo頭先話會包養我，外遊一定帶埋我去辟邪。」