譚嘉儀忽然疏遠林鈺洧　楊明認與莊思敏關係好

藝人楊明、黃建東、譚嘉儀在將軍澳電視城出席鄭衍峰、黃庭鋒、何沛珈主持的節目《奧運智識玩》。楊明與譚嘉儀皆喜歡看奧運女排，楊明直言因為愛𥄫靚女，身材的骰的嘉儀原來讀書時愛打排球，男子運動方面她則喜愛雙人跳水與游泳，覺得他們的肌肉很好看，女士自然喜歡。

嘉儀被問到好友林鈺洧傳與馬清揚撻着？她說：「唔清楚，好少講呢啲，呢排都少見面，暫時未知佢嘅status。」講到可接受男友比自己大一截？她指：「最緊要係性格適合，但係自己未試過就唔知。」

講到莊思敏最近在社交網突然向網民求助呻某人對家人圖謀不軌：「如果你發現一個壞人黐住你屋企人，但你屋企人又唔覺得佢係壞人，你會點做？」她隨後已刪去發文，被網民指是嫌疑人物的楊明回應笑說：「呢件事發生喺我身上已經係騙案，同Jacqueline關係一向好好，可能佢想講何生、何太，想同網民討論一下。」