王敏奕「食力」驚人似有4個胃　踢爆好姊妹陳瀅都係吃貨

王敏奕與周奕瑋在將軍澳電視城出席《感動味蕾美食餐廳100強-關西篇》記者會。首次拍飲食節目的王敏奕「食力」驚人，周奕瑋笑說：「有日我哋已經食咗3間餐廳，佢中間仲可以自己去食拉麵同埋買咖啡，佢可能好似牛咁有四個胃。」她笑說：「仲諗住肥咗賴節目組添，自己係鍾意食嘢同煮嘢嘅。」周奕瑋又笑指首次拍綜藝節目的她是被演員耽誤了的爛gag王，節目中不停爆金句。

王敏奕與周奕瑋首次合作拍節目去了日本大阪、京都、奈良、神戶1個月吃了30多間餐廳，每日最少吃3間餐廳，她直言一定肥了，在日本期間更要到健身室keep fit，她說：「第一次拍旅遊節目，真係幾辛苦，最辛苦係胃部消化，有時都要食消化藥。」 講到節目中食量驚人可會破壞「女神」形象？她笑說：「不嬲冇話要維持呢個形象，返到嚟都同陳瀅講好似唔應該喺節目講咁多爛gag，佢話呢個係朋友見到你嘅一面，鍾意食嘢、鍾意講無謂嘢，可以畀多啲人認識我嘅另一面。」她又指身邊的朋友好似糖妹、陳瀅也是「吃貨」，希望下季可以一齊去拍節目。