炎明熹疑離巢引「風紀」出動　甄妮勸畀機會：坐下好商量

現年19歲嘅「樂壇小天后」炎明熹近日瘋傳將離巢無綫，因而被掟入雪櫃，更被爆出寫親筆信回應傳聞安撫粉絲，並向無綫「表忠」強調沒有接觸第三方，但想開始獨立自主、忠於自己。愛關心圈中後輩言行嘅「樂壇風紀」甄妮，尋日（26日）忽然發文，被網友聯想到係為樂壇後輩抱不平，嗌大家要對有潛力嘅小朋友多培訓、畀機會，更勸坐低慢慢傾：「又不是賣到『青樓』，起碼有錢還可以『贖』身，坐下好商量嘛！凍甚麼凍。對有潛力的小朋友是要多培訓，多給機會才是，弄一堆有年紀的在玩甚麼把戲？自娛？能玩多久？😨😨不解」同時佢又指自己已經由台灣悄悄返港，仲去食粥粉麵、奶茶等。