吳鎮宇新片票房破1500萬　拖「瘋婦」彭秀慧見觀眾

兩大影帝劉青雲及吳鎮宇主演的《談判專家》上映兩星期（截至6月26日），本地票房衝破1500萬！由開畫日6月13號起，電影更是經已連續14日高踞香港單日票房冠軍，為答謝影料支持，繼上周末劉青雲公開現身後，絕少謝票的鎮宇明天聯同戲中客串演綁匪「瘋婦」的彭秀慧到戲院與觀眾近距離接觸。

彭秀慧飾演有精神病的女人，因兒子被接走而去到社署發難兼挾持人質，青雲和鎮宇飾演的談判專家隨即介入事件，她以慌張失措婦人形象演出，無論角色外形以至演技都令到觀眾非常驚喜，她表示：「我覺得拍嘅感覺好爽，有好多嘢都係嗰刻入咗角色去做，都冇諗太多就去演出嚟，對我嚟講一個非常好嘅拍攝經驗。」對於觀眾大讚其演出，她坦言：「出到嚟個反應大家咁好，我其實完全係非常之意外嘅，因為我以為呢場戲係好短嘅時間，但原來喺成個劇本入面起咗個咁關鍵嘅作用。」近年較多時間投放導演工作的彭秀慧，又再次感謝邱禮濤導演邀演，喚起了大眾她的演員身份。