姜濤被指似「阿尷」　製作對比圖自嘲

藝人魏浚笙（Jeffrey）為《玩轉腦朋友2》聲演阿尷角。阿尷戲中全程笠住有帽衞衣，被指神似人氣王姜濤身穿衞衣的「巔峰肥」造型。另外，再有一張相片，見阿尷索緊外套遮住自己，而姜濤亦曾做過同樣動作，令不少網友笑問：「點解唔搵姜濤配音？」、「真人版姜濤」。

對於網上評論獲得姜濤留意，透過社交平台分享了兩張對比圖，表示：「唔好再send畀我啦…」又指：「一點都不像」。結果，MIRROR隊友Jeremy和眾Fans留言指「好似！」，他之後又貼出更多對比圖和惡搞圖，完全不介意被指與阿尷撞樣。