金曲獎百花齊放　內地歌手挑機26位人獲批赴台

《第35屆金曲獎》將於聽日（29日）舉行，不過未開始先爆是非，早前就有王力宏獲邀致敬天后李玟環節鬧得滿城風雨，最後金曲獎宣布取消成個緬懷李玟環節。不過有失總有得，今年金曲獎夠晒百花齊放，內地音樂人收獲頗豐，共有8人入圍16個獎項，其中唱將袁婭維及蘇運瑩入圍歌后，角逐歌王嘅則有創作才子許鈞及裘德，4人皆非首次入圍，來勢洶洶。當中裘德為今屆歌王大熱人選，能否繼「中國搖滾之父」崔健後，成為第2位內地金曲歌王，個機會都好大。

眾人到底會否出席典禮？今日（28日）陸委會開記者會時被問及此事，表示已批准26位對岸演藝圈人士赴台參加金曲獎，好歡迎兩岸音樂及電影上嘅交流。及後亦表示來台人數是否會增加，要睇今明兩日是否有緊急赴台嘅申請。