吳謹言新劇結局被鬧爆　急洩王星越3次加吻戲炒CP

內地女星吳謹言同小生王星越嘅古裝劇《墨雨雲間》雖然爆紅，不過因為結局唔得網友歡心而陷一片罵聲，人氣一下子暴跳，依家劇已經播完，但似乎劇組仲想延續人氣，依家佢哋繼續晒拍攝花絮，當中就晒出男主角王星越3度建議加吻戲，但通通被駁回，劇組炒CP之心路人皆見。

花絮中就見到拍攝離別戲綵排時，吳謹言講完對白：「我等你回來。」王星越即轉頭同導演講：「這不親一下，這不得（親一下）？」導演立即拒絕：「不親。」。男主角擁抱時，王星越又爭取：「這不親一下說不過去了！」導演再拒絕，更親身示範要佢同吳謹言擁抱，不過佢都係唔死心第3度同導演要求：「這我回頭，不親她一下？」導演說即答：「不回頭，你就走了。」場面搞笑，更成功令網友讚二人好有CP感，王星越愛吳謹言嘅心滲晒出嚟。