林家棟監制新片　張兆輝急返港相助

影帝林家棟、張兆輝、陳善之和導演黃國強等人今日（28日）出席電影紀錄片《香港經典光影重塑》首映禮，該電影透過六種不同港產片類型，以六條短片致敬港產片經典情節。而張兆輝則會參演其中一段由林家棟、陳善之監製和黃國強執導的喜劇《咇-理痛》。

張兆輝指是應林家棟邀請特地從內地回港：「我喺內地做緊嘢，家棟佢就話有嘢要幫手，叫我返嚟做一啲未試過嘅嘢。」又指想為香港電影出點綿力。

張兆輝和林家棟稱今次合作的導演和監製全部都是相識多年老朋友，張兆輝更大讚演員出身的家棟於電影創作有非常另類想法。問到家棟為何會有這樣的構思？他笑言：「另外一個監製陳善之同我講話我哋電影人好辛苦，所以今次畀一個最冇票房壓力嘅我哋去做，喺呢個前提底下，我覺得香港人生活壓力好大，所以就揀咗喜劇。」家棟更透露自己會在戲中粉墨登場。

張兆輝又指自己一直都有不收片酬為新進導演拍攝，但車馬費還是需要的：「應該做到嘅嘢都會做，但最重要喺玩到我哋想玩嘅嘢，最後得到嘅回響好似我哋今次短片能夠去到康城影展咁，咁就值回票價。」