汪小菲新老婆勁識氹奶奶張蘭　主動剝蝦餵蛋糕

由台灣女星徐熙媛（大S）提出嘅「剝蝦論」，至今仍係唔少情侶間嘅熱門考驗題之一，而2人自從2021年離婚後，前夫汪小菲亦於上月迎娶台籍女友馬筱梅（Mandy），對新新抱相當滿意嘅張蘭，更不時透過社交網分享佢同新抱嘅有愛互動，其中Mandy當眾主動幫奶奶剝蝦嘅舉動，更係氹到張蘭心花怒放。

日前，出席家族生意分店開幕儀式嘅汪小菲，亦帶埋媽咪張蘭及新婚嫩妻Mandy出席，其中Mandy更主動剝蝦畀張蘭，令張蕕開心到直呼：「香，滿滿的都是愛！」而當眾人為汪小菲慶祝43歲生日時，Mandy更主動餵張蘭食蛋糕，張蘭則將忌廉搽喺對方臉上，睇嚟今次段婆媳關係相唔錯喎！