Lolly Talk 的黃詠霖（阿蛋）5月時跟隊友郭曉妍（Ah Yo）操拳時不慎受傷令腳趾骨裂，之後曾經撐着拐杖扶傷出席活動，惟傷勢一直未完全康復，早前港台《第45屆十大中文金曲》音樂盛典也7缺1，獨欠阿蛋，據知阿蛋腳傷需要有排唞，估計7月中才能夠「復出」。

阿蛋雖然行動不便，但仍然好勤力，早前便相約隊友吳倩怡（Sinnie）和創作歌手鄧凱文（Moon）玩畫畫challenge，每人用一種顏料輪住隨意畫，出來效果相當不俗，阿蛋表示：「乜都冇諗就開始畫，簡簡單單嘅畫板，就變咗三個人的創意。」網民大讚阿蛋是「藝術擔當」，並讚她們「果然係多才多藝嘅idolss」。