梧桐妹素顏示人勁清新　 賈靜雯長文分享不捨心情

台灣影后賈靜雯大女梧桐妹，對潮流有着獨特見解嘅佢，唔止衣着打扮明顯同大眾有所不同，臉上嘅鼻環、舌環及唇環，更不時成為網友熱話。而不時透過社交網同網友分享生活日常嘅佢，日前更晒出2張居家嘅清新Look，卸去濃妝後嘅清新氣質，認真判若兩人。

而啱啱過完19歲生日嘅梧桐妹，身為媽咪嘅賈靜雯亦忍唔住喺社交網感嘆道：「看着你從小女孩變到小女人…媽媽有點不捨得。」並表示女兒因為太過貼心嘅性格，成長期間更受過唔少委屈，同時亦坦言「星二代」其實唔易做，面對來自外界嘅關注目光，賈靜雯亦成日教導梧桐妹道：「要活出喜愛自己的樣子。」感性發言，亦令唔少同樣身為媽咪嘅網友感動萬分。