陳山聰幫手物色筍盤　朱晨麗擇偶要睇呢樣嘢

藝人陳山聰與朱晨麗（朱朱）今日（30日）現身無綫劇集《反黑英雄》的宣傳活動，劇集在內地播放平台的熱度值破22,000，連續3天刷新港劇在該平台播放熱度的歷史紀錄，非常犀利，山聰對此佳績大感開心：「可喜可賀，港劇有呢個成績好感恩，拍得辛苦都係值得，證明港劇係有一席位，有我哋嘅特色。」他透露現時在內地拍劇，笑言：「有乜拍乜，要搵個仔嘅學費。」單身的朱朱稱也要養家及養自己：「我係獨生女，有一定責任，父母都辛苦咗咁多年。」

朱朱已相隔近兩年再有劇播出，對「久休復出」之作有好回響，她也很開心，她又指《反》劇拍了半年，由夏天拍到冬天，不止幕前演員辛苦，幕後工作人員同樣辛苦，劇中不乏打戲的她被問到有否打上癮時？她說：「有，我以前係唔跑步，山聰成日叫我一齊跑我都唔跑，但呢套劇長期要跑，可能我出年可以試吓跑馬拉松。（幾時搵個人養你？）暫時未，我自己努力跑吓先。」問到山聰可有筍盤介紹？他笑指自己最筍，可惜已封盤：「我幫佢物色吓，睇吓有冇跑手合適，向跑友埋手。」朱朱即謂對方要跑得夠快得才可以追得到她。