范丞丞拉白鹿櫈按頭入泥潭　粉絲互鬧引工作室出手

內地人氣綜藝節目《奔跑吧》一直都係國民級真人騷，唔少藝人都爭住上去做固定主持，當中被捧為主將嘅范丞丞及白鹿就因玩為遊戲玩得太博命而「出事」，被網友狂鬧玩出火，兩邊粉絲更係猛開戰火！

范丞丞喺最新一集中，佢拉走白鹿玩遊戲時張櫈，令本身有腿傷嘅白鹿應聲摔倒跪地，雖然范丞丞拉櫈同時，有用手護住白鹿，不過白鹿粉絲就接受唔到，喪鬧佢冇分寸，即拎番以前節目遊戲中，佢直接將白鹿執面臉捂住，更直頭摁到泥潭中，望到畫面都有窒息感，更恐吸入異物，多次粗暴對待偶像，白鹿粉絲覺得忍無可忍開戰，引發范丞丞粉絲反擊。

范丞丞粉絲就指《奔》本來就係以玩遊戲認真而出名，范丞丞為節目盡全力，竟被白鹿粉絲小題大做，又反過嚟寸爆女方節目中有啲親暱互動冇分寸，迫到范丞丞、白鹿工作室各發聲明表示，會對網路誹謗言論提出訴訟，維護藝人權益。