《帝國驕雄2》首造型公開　上位男星Paul Mescal睇騷疑似吸毒斷正

愛爾蘭上位男星Paul Mescal日前與幾名圈中好友一同現身英國舉行的Glastonbury音樂節，在音樂節上她被在場的樂迷偷影到疑似索K。

現年28歲的Paul被影到頭戴cap帽捲袖恤衫及短褲與幾名友人一同睇美國樂隊The National表演，當時他全神貫注睇騷，期間他被指拎出一小包並用鼻吸入小包內的一些不知名物質。有目擊者表示：「Paul看來似用一條鎖匙從小包內𢳂一啲物質出嚟然後用鼻索入。佢索完一次後放條匙入個小包入面，跟住再做同一動作一次。」雖然現場有好多人在場，但目擊者指Paul似乎完全不理會有人睇到他，他只顧與友人跳舞及笑。

另方面，由Paul主演的《帝國驕雄2》（Gladiator 2）將於今年底上映，他取代金像影帝羅素高爾（Russell Crowe）任新一集男主角，而他於片中的古羅馬鬥士造型近日首公開，他為了今次的角色而練到一身結實肌肉。