港姐二輪面試︱張玥擁100cm上圍入複試　爆阿媽同樣「偉大」

在首輪面試出晒位的張玥，因擁有1米83身高，簡直鶴立雞群，之前有傳未入第二輪的她，原來亦有入圍複試。2020選過亞姐的她表示，2021想選港姐但疫情冇得參加，更大爆：「媽媽身材都OK，自己就鍾意瘦啲，乜都食，鍾意潛水！」

被封「大碼版胡杏兒」的張玥是富家女，之前在香港以月租8萬元住酒店式住宅，其上圍尺寸更「好似有100厘米」，玲瓏浮凸令人眼前一亮。翻查資料發現，原來張玥早喺2020年曾參選亞姐，佢同樣以高䠷身材及驕人上圍吸睛，賽前更被視為大熱。當時張玥接受訪問時透露父母身高1米7以上，當年佢稱擁37吋上圍，即約93.98厘米，似乎冇見幾年佢咪咪又再發育！