郭雪芙素顏上鏡肌膚零瑕疵　眼鏡娘造型艷壓全場

有着出眾顏值及姣好身材嘅台灣女星郭雪芙，近年積極演出多部台劇嘅佢，亦因精湛演技打開知名度，人氣高踞不下外，早前去咗英國遊學3個月嘅佢，回台後唔止火速投入工作，仲驚喜發表新書《擁抱過去的我》，令唔少粉絲激動萬分。而日前（30日）迎來36歲生日嘅佢，亦透過社交網分享慶生靚相，只見淡妝上陣嘅佢，唔止肌膚白裏透紅，小巧嘅鵝蛋臉仲零瑕疵，大旁分嘅劉海亦露出飽滿額頭，加上充滿學生妹氣質嘅無框眼鏡造型，認真充沛少女般嘅可愛感，引嚟唔少網友留言道：「最美的雪芙女神生日快樂！」、「也太漂亮…」、「這種眼鏡只有你能駕馭。」