港姐2024︱多位佳麗接連退賽　唔通關合約事？

新一屆港姐第2輪面試尋日（2日）舉行，今次佳麗質素明顯Level up，亦見多位熱門佳麗再次現身，正當大家都開始熟口熟面有心水之選嘅時候，忽然爆出多位佳麗竟接連退賽！經過尋日第二輪面試後，多位參賽者都表示自己睇過合約後，決定退選，當中包括「翻版超雲」黃艷、「監獄金融美女」Caroline、「長髮湯盈盈」趙浚雯、兩次見人均露打底褲嘅Crystal Ng、中大讀Socialogy嘅Jackie等，多位佳麗選擇退賽，實在令人意外。而幾位女士齊退選後，面試後即齊齊飲嘢。

當中有佳麗更係直指合約問題太嚴苛，因而令佢卻步：「來之前就已做好心理準備可能會面臨簽合約，但是沒有想到會這麼strict（嚴苛）。原來我還是抱有打工和比賽能不能兼顧。」