陳芳語揮別招牌長髮　緊身吊帶裙騷Quali

台灣出道嘅馬來西亞歌手Kimberley（陳芳語），人靚聲甜嘅佢同時尺度亦相當大，繼早前為新歌《kiki》着黑色半透網衫真空上陣，疑似露出「黑葡萄乾」後，日前更將招牌長髮一刀剪，短髮新Look利落得嚟又充滿古典美之餘，身上嘅白色緊身吊帶裙，將佢弗到漏嘅零贅肉身材展露無遺外，同時令人充滿無限遐想，加上嫵媚到極致嘅笑容及Wink眼等甫士，引嚟唔少網友留言激讚：「第一次看到Kim短髮，好看！」、「8、90年代的感覺。」、「感覺可以嘗試染金髮！」、「完全不一樣的感覺。」、「可愛喔！」、「短髮也好看！」