鮮娛糧︱余文樂人氣不再內地冇人睇　空降綜藝挽救名聲

藝人余文樂最近主演新片《絕密任務》於內地上映，佢由藝人轉做生意人再「復出」幕前，不過人氣不再嘅佢新片票房仆直，但咁難得打入內地市場，佢今次就全力以赴，最近仲罕有現身內地綜藝節目《極限挑戰》第10季錄影，同男星黃曉明、黃景瑜、岳雲鵬等人一齊大玩闖關遊戲，又孖《絕》同片女星盧靖姍等一同為新片宣傳，試圖挽救人氣。

見節目中佢以All back型仔look現身，去年坦言有恐慌症嘅佢，依家見人都冇再驚，仲大展分析口才，成為節目一大亮點。成日標榜自己係潮人嘅佢，一身恤衫加西褲，即被網友大讚佢點着都咁型，似乎頻頻現身幕前都有啲料到。