劉以豪全裸遇「黑黑反光生物」　成個硬晒想同對方對決

台灣男神劉以豪有「國民男友」之稱，佢一現身就實有女粉絲尖叫，估唔到佢尋日（2日）忽然公開浴室秘密，大方講自己出浴經過，真係令網友充滿幻想！6月有新劇開拍嘅佢，平時都只係講拍攝工作，今次竟發文表示尋日準備沖涼時，全身都已經脫光光，佢拎住浴巾時，就發現：「身後跟出一隻黑黑的反光生物」，嚇到佢成個人都硬晒，佢仲形容「這太赤裸的狀態、相遇，真的是……」不過佢回過神之後，都即刻着番衫褲，同對方展開對決。雖然男神怕怕，但佢呢篇驚魂記就「春色無邊」，令網友充滿想像空間，更有網友笑言想幫佢捉反光生物，等佢唔使再驚。