孫雪祺升級做大學講師　學生心急睇咪神主播着咩衫

TVB前財經主播孫雪祺出名身材勁爆，昔日曾因激凸身材被高層照肺，唔畀佢上載身材激凸嘅靚相到社交網。依家佢已經離巢，想post咩都可以隨心所欲，女神之位坐得更穩。依家佢愈做愈high class，佢發文自爆原來將會到大學擔任講師：「曾經在TVB做記者和主持人的我，如今在香港城市大學媒體與傳播學院擔任講師啦！這一步對我來說意義非凡，非常榮幸有這樣的機會，將更多的媒體實踐經驗和同學們分享。新聞的世界何其精彩，何其多變，希望我們一起在未來的日子裏，能夠共同繼續探索這個世界的新聞價值。同學們，九月見！」睇嚟9月開學嘅大學生有福喇，搞到網友都好好奇佢上堂會以咩打扮示人。