五月天怪獸挑戰「16蹲」　阿信感慨：做一場少一場

日前（1日）喺深圳大運中心體育場舉辦《回到那一天》環場夏日版演唱會嘅五月天，邀請咗樂團Engergy擔任首場演出嘉賓，為粉絲帶來全新嘅Full Band版《星期五晚上》外，互動環節更係笑爆全場，只見阿信先係笑問道：「Energy過去消失20年，當年你們是我們頭號勁敵，怎麼又會跑來了呢？」身為Energy團長嘅牛奶隨即高EQ回應道：「再次謝謝五月天邀請我們當嘉賓，上回在高雄演唱會以為那是人生最後一次聚合，感謝時光機讓我們成為再次就業男團！」並隨着牛奶主動跳起「16蹲」，阿信亦帶頭起哄嗌怪獸加入，不過剩係跳咗1下嘅表現，亦令現場眾人忍唔住笑道：「意思1下！」

而牛奶嘅成名舞技「大風車」，亦令阿信忍唔住感慨道：「看你大風車轉一場少一場。」之餘，除咗是次深圳站嘅合體，五月天及Energy亦將於8月24、25日參加「超犀利趴」演出。