周潤發堅持唔放棄晨跑　網友爆最佳捕獲時間點

影帝周潤發（發哥）最近被發現大腿驚現球狀腫脹物，疑患嚴重靜脈曲張，網友擔心佢健康都紛紛勸佢先暫停跑步，不過佢都依舊頻頻被網民野生捕獲，堅持唔放棄晨跑，毅力確係驚人。有網民近日以「屈地街再遇發哥」為題發貼，指唔係第一次見到發哥同晨跑團隊出巡，依舊着黑色運動背心配黑色legging襯波褲咁同跑友現身屈地街，發哥更係晨跑隊最前方，當眾人跑入行人路時，明顯減速免影響途人。

隨住愈嚟愈多人遇上發哥，唔少網友都開始有一系列心得，就好似有人就提醒要大方影相：「如果大家碰到發哥一定不要偷拍，可以大方問可不可以合照的。」又提供最強偶遇貼士：「週末9-10遇到機率很大。」大家想見到偶像，睇嚟要set個時間表喇。