宋宛穎3母女同框激似3姊妹　媽咪凍齡靚樣勁搶Fo

前港姐冠軍宋宛穎，樣靚身材正兼有着高學歷嘅佢，加上伶俐口條備受無綫力捧，直率可愛嘅性格更係圈粉無數。而向來氣質出眾嘅佢，喺選美時就已自爆來自選美世家，媽媽文寶雪更係1990年澳門小姐亞軍，一家嘅優良基因認真令人羨慕外，日前媽咪文寶雪亦透過社交網晒出自己為2個寶貝女慶生嘅合照，並分享道：「祝6月之星生日快樂！」只見以黑白造型示人嘅3母女，氣質出眾得嚟顏值亦同樣高企，3母女同框合照更一度令網友誤會成3姊妹，對此文寶雪亦大方分享保養心得道：「健康飲食多喝水，早睡早起多運動。」