謝霆鋒自認講真話易得罪人　將夥拍吳京上演打鬥場口

藝人謝霆鋒於英皇電影《海關戰線》內，除拼盡全力上演連串動作場面外，感情線亦備受關注。戲中與衛詩雅相戀的他，因性格太過真我令對方不滿，因此衍生到分手。當聞得衛詩雅再覓得另一半宣布結婚時，霆鋒滿不是味兒卻不懂得挽留，遭遇我見猶憐。

談到現實生活中的性格，霆鋒直指自己與角色其實十分相似，故不時於閒談間衝撞別人。他笑說：「周不時都會㗎啦。（人哋嬲咗你點算？）冇得點，咪唔好傾偈囉，做朋友如果唔可以講真話，咪算數囉。（冇晒啲朋友喎。）我身邊嘅朋友，大部分都係呢種性格，所以冇問題。」

據悉，霆鋒完成《海》片宣傳工作後，就會密鑼緊鼓準備前往新疆，會合袁和平劇組為新片《鏢人》開工，有指霆鋒將夥拍吳京等人，在沙漠上拍攝重頭戲「大打一場」。而在最新的演員名單上，更赫然發現于適及此沙等大隻型男「登榜」，單是演員陣容已教人期待。近日社交平台上亦流傳7月27日霆鋒將現身上海，擔任莫文蔚巡唱嘉賓，令不少粉絲聞訊後起哄撲飛。