Twins開騷有粉絲「扮嘢入場」：不妨Upload畀我哋睇

組合Twins剛完成了杭州站演唱會，今晚（6日）來到重慶站。成員鍾欣潼（阿嬌）說：「內地巡唱依家預計14場，唱到10月底左右，之後就去美加、倫敦，星馬 及澳州等地，所以嚟緊應該每個星期都唔喺香港。」而蔡卓妍（阿Sa）表示自己最期待倫敦站演出：「因為第一次喺當地出騷，嗰陣又快到聖誕嘞，我諗住趁機放吓假，留喺嗰邊感受吓聖誕氣氛。」

月前香港演唱會舉行期間，Twins叫歌迷以昔日她們的不同造型打扮進場。而內地巡唱開始後，阿Sa通過社交平台，留意到原來亦有粉絲「扮嘢入場」，杭州站就有歌迷打扮非常可愛：「我哋都想好似喺香港站嗰時咁開心，可以送禮物頒獎畀佢哋，但內地場館演出有好多唔同嘅規限，同埋離觀眾有一定嘅距離，手都握唔到呀，希望歌迷朋友們假如有好勁嘅裝扮，不妨Upload上網Tag番我哋，等我哋可以睇到佢哋扮到幾特別。」

今次巡唱，Twins亦有與時裝品牌攜手合作打造紀念品，孖妹對製成品大感滿意，由於今午開始網上發售，相信會掀起一遍搶購熱。