任達華古天樂化身財神　自掏腰包大抽奬

影帝任達華與古天樂（古仔）等主演的新片《偵戰》，低調開工一個月便宣布煞青。昨晚（5日）台前幕後雲集酒樓舉行煞科宴，實加盡興一番。而任達華及古仔更化身財神，主動抽出現金作全場抽奬之用，掀起全晚高潮。

據悉，今次現金抽奬人人有份，可謂皆大歡喜。任達華今日受訪表示：「我返嚟香港兩日，咪同大家食餐飯囉，因為呢套戲台前幕後都拍得好辛苦，差唔多日日踩成16、7個鐘。昨晚氣氛真係好好，感覺好似食咗餐團年飯一樣。（你化身財神喎。）古仔、電影公司老闆同我都有攞錢出嚟嘅，抽奬每人最少都有3000蚊，有幾個搬咗成萬蚊返屋企添，冇所謂啦，最緊要大家開心啫。」