日籍洋將KAHO成功圓夢　 爆成員另一面：感到不安

台灣啦啦隊「樂天女孩」今年初接連痛失2大台柱林襄及韓籍李多慧，陷入人氣重挫嘅困境，對此球隊亦快速搵到日籍高橋佳帆（KAHO）重磅加盟，挽回劣勢。而喺日本出世嘅KAHO，亦透露原本就想出國工作，而台灣人嘅溫柔亦係令佢決定去工作嘅原因之一，日本所屬球隊相當支持嘅同時，仲引薦佢成為「樂天女孩」交流生。

而啱啱到台灣，人生路不熟嘅佢連中文都唔太好，好彩經理人及「師姐」筠熹畀咗好多幫助，以及其他成員嘅熱情分享，令佢好快適應台灣生活。然而，成員嘅過度熱情，亦令佢一度困惑不安：「為甚麼給我那麼多東西？」同時佢亦感謝一眾女孩嘅熱情，令佢嘅生活過得相當愉快。