泳兒預告孖小鮮肉開濕身騷　自爆上圍豐滿惹禍

英皇歌手泳兒和許靖韻（Angela）今晚（6日）齊演出無綫慈善節目，泳兒預告將偕公司3位小鮮肉舉行「濕身騷」，她說：「係戶外騷，仲係Rock嗰種，所以會着泳衣打底，外面再加件衫，不過我透視係OK嘅。」她除要準備防走光措施外，亦為買泳衣而煩，全因上圍豐滿惹禍：「會買三點式泳衣，但Size好難就，因為上面要買大啲，下身就唔啱Size，之前去泰國旅行，嗰件三點式都要Mix＆Match。」問到可考慮只着三點式泳衣上陣，她就覺得露太多：「Too Much啦，我想現場觀眾留意我唱歌多啲。（男友准許着泳衣演出？）應該唔准，所以唔使問佢，覺得上台同自己去玩係唔同。」

而Angela同樣籌備另一場「濕身騷」，她說剛收到三套泳衣，但未有時間試：「上身個款係似泳衣嘅背心，下身個款都清涼嘅，其實我平時出街都好清涼。」又透露將向商界發展跟合夥人推出小背心系列，更由自己擔任模特兒，只是早前慶祝生日時食得太多要減肥，她說：「食咗兩個蛋糕，啲小背心唔係咁啱着。」