《玩轉腦朋友2》青春期少女新情緒　邊個星二代配焦慮？

2015年迪士尼／彼思電腦動畫《玩轉腦朋友》（Inside Out）以擬人化情緒作為角色，將腦中世界呈現，叫好叫座，新推出的續集《玩轉腦朋友2》（Inside Out 2）中女主角已由女童長成13歲少女，青春期新情緒亦進駐大腦總部，包括焦慮、尷尬、羨妒與沉悶，鬧出奪權風波！女主角參加的冰上曲棍球周末體驗營，亦因此波折重重，面臨友情與前程的考驗。

聲演主要角色焦慮「阿焦」的，是荷里活前夫婦伊凡鶴基（Ethan Hawke）與奧瑪花曼（Uma Thurman）的25歲女兒Maya Hawke，她受訪時透露：「我有焦慮，但唔係好嚴重或者病態嗰種。當然我腦海中係有個聲音係成日煩惱同擔心，所以當我可以演繹呢個角色，自由發揮，真係好正。當佢話我知我着錯一對鞋，或者會去機場遲到，或者會講錯嘢……我就會用口講出嚟而唔係收喺個腦度，咁樣去演呢個角色。」她指自己錄音時的手勢與動作，最後亦被畫進最後成品中，令她很開心。