連詩雅繼續大住肚慶生　獲梁諾妍和黎紀君陪睇日落

藝人連詩雅早前(29日)36歲生日，圈中人緣極佳的她在過去一星期沒有停過慶祝，先是有好友黃翠如與陳自瑤提前和她吃生日飯，然後又有老公陳家樂帶她到海邊慶生，再加上今年詩雅佗住B，相信今年生日對她來說一定別具意義。

不過即使生日已經過去一個多星期，慶生活動仍然繼續進行，昨日連詩雅就在社交平台分享兩位圈中好姊妹梁諾妍和黎紀君為她慶生的照片，相中三位靚女盛裝打扮，主角連詩雅身穿白色連身裙，原定本月誕女的她肥肚不肥人，肚凸凸但四肢依然修長纖細，簡直是「最索大肚婆」，連詩雅留言道:「有兩個靚女特登嚟搵我，喺我屋企附近陪我睇日落，聽住海浪聲，感受海風，日落之下，無所不談，突然感覺有點青春，簡單的快樂。」照片一出，梁諾妍即留言回應說:「有你倆最快樂!」當真姊妹情深。