朱智賢愛犬冬甩17歲生日　寫下感動祝福

藝人朱智賢（朱朱）向來視愛犬冬甩為兒子鍚到燶，昨日是冬甩的17歲生日，她在社交網上載跟冬甩的慶生照，朱朱一手抱着愛犬，作狀錫對方，一手拿着蛋糕。

她發文祝冬甩生日快樂，又話以牠為榮：「只要你唔放棄，媽媽都唔會放棄，巨蟹座就是愛得瘋狂，愛得徹底，愛得沉淪，我哋兩個都係巨蟹座，無人會明白我哋嘅bonding。五年前你第一次暈咗入醫院，媽媽點都冇諗過你可以活到17歲，一直都心存感恩，呢五年都好珍惜同你相處嘅時間，識我嘅朋友都知，其實我真係已經好盡力，只要媽媽一日仲頂得住，我一定會盡我能力照顧你，媽媽都會學習睇開一點，不過都係依然希望你身體健康，長命百歲。」當中不少藝人好友包括黃心穎、姚子羚、江嘉敏等以及網民都紛紛留言祝冬甩生日快樂。