暴力場面要求真打　何沛珈收劇本即喊

藝人何沛珈在無綫劇《反黑英雄》演林冰一角，與視帝陳山聰做情侶被指外形合襯，她開心觀眾喜歡，笑言：「梗係啦！山聰咁型！哈哈!」，她有留意內地網民普遍都喜歡林冰，令她多了一個新外號叫「Miss Lam」，角色討好對她的演技無疑打了一支強心針。她稱劇情發展下去，將會有很多暴力場面出現，笑言只能用4個字形容「打得好慘」，她表示：「有啲畫面為求真實，係真係會跌落去及打落去，又會喺地下被拖行，拍時花咗好多心機落去。仲有一場好內疚嘅喊戲，係拍攝當日先至收到劇本，所以對我嚟講都係一個幾大嘅考驗。」

另外，身為奧運新六星的她，每日都忙於做「功課」，重溫奧運過往直播片段，從其他主持身上偷師，「學習其他主持喺不同項目賽事期間可以講乜嘢，又要溫習每項運動嘅規則，仲有好多好多功課未做曬，我要搵齊每位出賽運動員嘅資料，同埋香港運動員嘅故事。」除了做功課，覺得做主持體魄都好重要，由於時差關係預了捱夜，已食定補充劑補充體力。