李亦喬過大禮收禮金盒放滿金牛　愛犬見證甜蜜時刻

藝人李亦喬（Monnie）去年獲糖水舖太子爺男友阿招在馬爾代夫求婚成功，將於8月3日在港舉行婚禮，日前依照傳統過大禮，龍鳳鈪、鮑參翅肚、心型花膠扒外，最亮眼當然是大盒放滿1000元現金的禮金盒，儀式可謂做到足！準新娘Monnie受訪，笑言事前好緊張：「從未見證過過大禮，乜都唔識，好在有經驗豐富既Wedding planner幫手。」

對於阿招將禮金盒放滿金牛，連Wedding planner都表示未試過咁吸睛。Monnie表示：「同埋過大禮當日有星級姊妹李蔓瑩、王熙嵐同兄弟團幫手，氣氛一流，爸爸媽媽都非常滿意。好開心我2隻狗仔都可以一齊見證住呢個幸福時刻。」Monnie指接住就要忙8月3日婚禮的事：「我開始忙着設計新娘形象，招仔已經電咗髮，好多謝專家好友們幫手，我地相信一切都會順利。」