方力申泳手被Foul仍嬲爆 舆论下已有议员联络
2024年07月08日 10:32
东网电视
更多新闻短片
![](/hk/bkn/cnt/entertainment/20240708/photo/bkn-20240708103243625-0708_00862_001_01p.jpg?20240708110716)
歌手方力申(小方)今(7号)担任《天使综合症慈善演唱会》嘉宾,他表示4月11号时收到何雁诗的邀请及得知其囝囝Asher患病消息时大感震惊:“佢囝囝半岁时开生日party,我都有去,好佩服Fred两公婆喺照顾囝囝咁忙同咁苦恼嘅时候,咁有心去做呢个慈善演唱会,我当然全力支持,期间有问佢哋搞成点,依家佢哋好成功可以全数将善款捐出,同埋可以召起社会关注。”又谓看见演唱会上播出6岁患病儿童其母亲的心声时,也感动到眼湿湿。
他谓过往有参加帮助智障人士的活动,尤其较年长智障者的行为可能引起外界误会,所以需要接受更多教育及付出更多耐性,望外界对病患者多包容,又讲笑谓自己也要食药:“我都要食抗抑鬱嗰啲,所以你哋要包容我。”
问小方可为防下一代患遗传病而作准备?他就话经了解后觉得防不胜防:“如果医生话你有300份之3嘅机会有问题,你博唔博呢?好难嘅,我都有谂过将自己(精子)拎出嚟先,再验吓抽啲好啲嘅,但同何雁诗倾过,就算做人工受孕,bb都可能会患呢个病,所以唔使多想。”
另外,小方开办的泳会,其一名9岁男学生在游泳比赛成绩优异,但因泳会级别不够高而未能参加锦标赛,香港游泳总会发声明指若开放所有“竞赛属会”参加锦标赛,将影响该会的属会计分制,同时没回应男学生参赛资格问题,令他在社交网表示对泳总的声明感震怒及失望。小方称嬲之馀亦感委屈,自感除是前游泳港队成员,为泳队立下不少汗马功劳,对推广游泳亦不遗馀力,还自设推动游泳的慈善机构,笑言:“我依家年纪老迈仲推动紧啲年轻泳手,估唔到个声明最后嗰句话希望啲报道唔好咁负面,会影响年轻泳手,令总会声誉受损。我觉得委屈系佢哋冇为泳手利益着想,一路同我哋讲制度,我咪嬲啰,亦都冇答到我嘅问题,泳手都系香港人,系喺佢哋嘅属会,喺佢哋个比赛度达标,佢哋个会要计分,话我个泳会唔适合攞资源,我都写信畀佢哋话我哋唔要攞资源,奖牌都唔畀佢,只可以畀佢游水,完全唔明。”
谈及被指其泳会未够班,他就觉得:“讲得啱,系我个会未够班,但唔系个选手未够班,我个泳会唔够班,都系总会话啫,问题系总会唔系宣传个泳会,系帮泳手普及,如果我嘅泳会唔得,咁我唔使做啦,唔系应百花齐放嘅咩?我提出系因为觉得唔公平,佢嘅声明上有冇问候小朋友?”
问到发表“愤怒了声明”可助解决问题,他指总会在舆论压力下,情况可能有改变,亦有人提议联署请愿,也有议员联络他,不过觉得总会条例需要修改:“有几难啫,讲出嚟都畀人笑啦,个回应咁冇水准,对总会一定失望,亦对香港游水发展不乐观。”