被揭暗撻劉溫馨後現身同一地點　龐景峰有嘢講

2013年參選港姐嘅劉溫馨被東網揭同郭秀雲和錢小豪之子龐景峰（Andrew）拍拖，二人更已秘撻數月，不過有傳龐景峰媽媽對溫馨印象一般，入門與否尚待揭曉。即使戀情被揭，似乎都唔阻兩人拍拖嘅興致，今日（9日）佢哋就齊齊出席同一文化推廣盛事，更喺同一地點現身，雖然係前後腳演出，但兩個活動時間都只係相隔3個半鐘，要見面其實唔難。

今日尖沙咀文化中心外有文化推廣活動，當中朝早就有開幕儀式，龐景峰先現身上台表演武術，以一身白衣耍出套拳，盡顯真功夫。劉溫馨則於下午1點幾就上載新相，示意自己已經去到同一場地做綵排，更同樣以白色衫上陣，頗有情侶裝意味，又對鏡頭舉出勝利手勢，極盡風騷。

龐景峰今日接受東網訪問時，避談感情事：「唔好意思，今日做緊大型盛事活動。私生活或者感情新聞下次先回答。」