冼靖峰瘋狂接Job　儲彈藥買生日禮物贈雙親

「妙音龍子」冼靖峰（Archie）今晚（9號）偕《聲夢傳奇1》歌手潘靜文及《聲夢傳奇2》參賽者江廷慧，還有湯君慈、湯君耀、陳明憙、應智越、周卓盈及李潤東齊出席活動。Archie表示目標是望能買到過萬元的禮物，但不是買給自己而是送給爸爸，他說：「睇緊一份過萬嘅禮物，因為爸爸11月生日。他又說不會和胞弟夾份買禮物，打算各有各送，因弟弟已另選心儀禮物。問到可擔心惹媽咪呷醋？他則說待明年1月時再送生日禮物給媽咪，由於要不停買禮物，所以目前要努力搵錢，狂接工作。

最近推出新作《無意冒犯》的他，大爆爸爸也在家試唱，至於爸爸唱功如何？他說：「我細個時佢都有教我唱歌技術，（幫爸爸報名參加《中年好聲音3》？）唔好啦，畀佢享受就快到嘅退休生活啦，等佢多啲信心先啦，如果《中》做得好，應該仲有4、5季嘅。」