支嚳儀有家教唔同異性黐住影相:為結婚而結婚好危險

2024年07月10日 11:01
東網電視
更多新聞短片
《中年好聲音》第一季歌手支嚳儀參加比賽時,已公開已婚及育有一子,擁有一個幸福家庭的她,入行後相當活躍,但她從不會令老公擔心,因為她和老公都有共識,互相都是有底線的人,她說:「我係一個有底線嘅人,從來唔會同異性黐住影相,包括藝人和粉絲在內,我好知道乜嘢唔應該做,呢啲係家教,我入行目的係為唱歌為音樂,想用歌聲影響無自信的人,對小鮮肉無感覺,我老公好好,我好愛佢。」
支嚳儀與老公由拍拖至結婚長達11年,與老公無論興趣、口味,甚至聽音樂品味都一致,三觀和人生理念好接近,她笑言:「我唔會同前度做朋友,佢都唔會,同我底線相似。」她續稱:「如果女人為結婚而結婚係好危險,因為好容易將來為愛情而出軌,夫妻之間步伐不能夠停,好似老公係一個好上進嘅人,為事業奮鬥,我都唔會畀自己退,為夢想奮鬥。」問到有沒有忍過另一半時,她表示:「兩個性格唔同,點樣將容忍變成溝通橋樑呢?與其我忍佢,不如佢都忍我啦!遇到問題,首先諗吓係咪人哋忍你先,要周圍問吓人,唔好以為自己無錯。」她直言沒有對的人,只有對的自己,直言同老公說過,一定不會「離婚」,她表示:「因為我係解決問題,不係逃避問題。」