鄧卓殷趁郭子豪生日晒婚照　肉緊展示巴黎鐵塔反轉再反轉

前港姐鄧卓殷（Amber）官宣將下嫁拍拖近5年嘅藝人郭子豪，二人近月為籌備婚禮全過程拍拖，同大家分享進度，咁啱尋日（9日）係郭子豪32歲生日，未婚妻鄧卓殷就即甫上多張未公開婚照，深情留言：「Happy birthday to the man who always hold me tight（祝將我緊緊抱住的男人生日快樂！）」，並透露二人正身處加拿大，壽星仔即回覆：「Lucky me（幸運的我）」明顯冧到爆。

不過網友更關心二人嘅最新靚相，甜蜜合照中二人均着上啡色大褸襯淺色，一身情侶裝幸福又夠Sweet，大影city feel婚照，其中一張更見郭子豪將鄧卓殷成個托起，鄧卓殷就雙腳翹起同未婚夫面對面，成個動作簡直就係《家有囍事》入面周星馳同張曼玉經典「巴黎鐵塔反轉再反轉」如此高難度動作都可以做到輕輕鬆鬆，果然符合二人成日強調嘅「最萌身高差」，甜到爆燈。