Ivy So罕晒出水芙蓉泳照　換裙仔黑色打底褲任人睇

女團COLLAR人氣成員蘇雅琳（Ivy So）早前同好友飛越南旅行，佢曾自爆自己一個人隊晒成個榴槤，等咗咁耐女神終於公開泳裝靚相，又分享到當地遊樂場玩機動遊戲嘅影片，化身真人版「阿樂」，笑到四萬咁口。

唔再晒「反艇」相嘅佢，今次就做出水芙蓉，雖然係以長袖半截泳裝上陣，不過佢就大方晒出高衩泳褲，大晒長腿及纖腰，白滑肌膚表露無遺。佢之後去到主題公園玩時，佢又以吊帶小背心加白色迷你裙上陣，不過為怕走光，佢竟然着上長過裙仔嘅黑色打底褲，當佢跑嚟跑去時迷你裙更係成條被風吹起，一身獨特打扮同樣吸睛。