張曦雯返母校幫幼稚園學生慶生　預習做媽咪？

藝人張曦雯（Kelly）同混血男友Mark打得火熱，佢就講過男友好恨結婚，不過佢暫時沒有想法，一切都順其自然。唔知係咪想預習做媽咪嘅婚後生活，近日佢就重返幼稚園探老師，仲晒出合照及短片，本身係第4屆畢業生嘅佢，今次去到第32屆生日會，都真係好鬼感觸。

相中見到張曦雯大方晒當年嘅畢業相，仲同小朋友介紹自己，佢亦有同老師們溫馨擁抱，但估唔到佢非常受小朋友歡迎，由頭到尾都被包圍，又拖手又攬攬，唔知張曦雯今次見到大班小朋友，會唔會激起佢想嫁嘅心呢？