港姐直擊！大熱佳麗連群結黨　「城大李嘉欣」帶頭搵食

無綫《2024香港小姐競選》14位入圍佳麗，昨日（11日）獲大會安排到髮型屋接受造型改造，眾人早上7時許先後抵達金鐘一所髮型屋，約11時30分陸續完成造型並分批會見傳媒分享感受，當中大熱「城大李嘉欣」倪樂琳（Ellyn）、謝淑怡（Zoie）及吳芷靖（Clary）在完成訪問後便先行離開，見3人結伴邊行邊講有講有笑，原來3姊妹相約了到附近一間日本餐廳食飯，在等候入座其間，見大家也拿出手機細看，從Ellyn手機畫面所見，原來大家正欣賞剛才所拍的造型靚相，未幾餐廳職員便領她們到一張6人枱，隨後便見到另一大熱華姐鍾翠詩（Tracy）跟王汛文（Candice）加入當中，最後楊梓瑤（Amina）亦到達餐廳，而用餐其間眾人亦有傾有講，看來大家感情不錯。約下午2時半，當大家吃飽飽後，便齊齊登車，一起返回將軍澳電視城。